Սա ոչ թե Երևանի, այլ Հայաստանի գլխավոր տոնածառն է, կարող եմ ասել, որ նաև համայն հայության գլխավոր տոնածառն է։ Այս մասին «Առաջին լրատվական»-ի հետ զրույցում նշեց Երևանի քաղաքապետ Հայկ Մարությանը։
Անդրադառնալով տոնածառի գնին, նա վստահեցրեց, որ այն, ինչ այսօր ունենք, գինը ընդհանրապես բարձր չէ։ «Շատ կարևորում եմ, որ հենց հանրության պահանջն է, որ մենք ունենանք նոր տոնածառ։ Քիչ-քիչ երևում է տոնածառը, թեև դեռ լրիվ ավարտված չեն աշխատանքները։ Ես արդեն սոցցանցերում նկատում եմ ուրախությունը։ Շատերը ապրելով հեռու ու մոտիկ արտասահմանում, ասում են՝ դե գոնե վիդեո արեք, տեսնենք, մեր տոնածառը։
Սա հանրության պահանջն էր և ես որպես երևանցիների ներկայացուցիչ, պետք է ի կատար ածեմ նրանց ցանկությունը»։Հարցին, թե նման շռայլություն թույլ տալու հնարավորություն ունե՞ր քաղաքապետարանի բյուջեն, Հայկ Մարությանը պատասխանեց.
«Մենք բավականին մեծ գումար ենք տնտեսել Երևանի 2800-ամյակի միջոցառումներից, և սա մեր տնտեսած գումարի մի փոքրիկ մասն էր։ Այն ուրախությունը, որ ունենք այսօր, և որը ունենալու են մեր բոլորի երեխաները, արժեր, որ այդ ծախսն անենք»։
