«Հանս Քրիստիան Կոֆոեդ» ԲՀ-ի անօթևանների ժամանակավոր կացարանը հայտարարություն է տարածել.
«2019 թվականի դեկտեմբերի 26-ին ՄԻՊ գրասենյակի չհայտարարված այցի ընթացքում «Հանս Քրիստիան Կոֆոեդ» ԲՀ-ի անօթեւանների ժամանակավոր կացարանում հայտնաբերված եւ մի շարք լրատվամիջոցների կողմից հրապարակված «խախտումների» վերաբերյալ, մասնավորապես՝ «Զինվոր» գրությամբ ձմեռային գուլպաների առկայության փաստի մասին, նույն բարեգործական հիմնադրամը հայտարարում է, որ հիմնադրամի աշխատակիցների ուժերով 2020 թվականի հունվարի 10-ին բացահայտվել է, որ հիշյալ գուլպաները արտադրված են Հայաստանում գործող ՍՊԸ-ներից մեկի կողմից եւ, ըստ սեզոնային տեսականու՝ 80-150 ՀՀ դրամ գնով ազատ վաճառվում են «Առինջմոլ» վաճառքի կենտրոնի համապատասխան տաղավարներից մեկում:
ՄԻՊ-ի կողմից հայտնաբերված մյուս խախտումների վերաբերյալ մեր փաստարկները կներկայացնենք Մարդու իրավունքների պաշտպանի գրասենյակի համապատասխան տեղեկանքն ստանալուց եւ պաշտպանի գրասենյակի հետ համատեղ քննարկելուց հետո»:
Հիշեցնենք, որ երեկ՝ հունվարի 9-ին, ՄԻՊ-ի աշխատակազմը իրականացրել է չհայտարարված այց «Հանս Քրիստիան Կոֆոեդ» բարեգործական հիմնադրամի անօթևանների ժամանակավոր կացարան և խախտումներ հայտնաբերել։
Նյութի աղբյուր՝ shantnews.am
