«Մենք պետք է բոլորս միասին աշխատենք Իրանի հետ համաձայնության հասնելու համար»,- այսօրվա խոստացված ելույթում ասել է ԱՄՆ նախագահ Դոնալդ Թրամփը:
Նախագահը քննադատել է Իրանի միջուկային գործարքը՝ նշելով, որ այն շատ թերի է։ Միացյալ Նահանգներն այս գործարքից դուրս է եկել, այս օրերին էլ իրանական կողմը հայտարարեց, որ պատրաստվում են պարտավորությունների հերթական քանակից հրաժարվել։
«Շատ թերի պայմանագիրը շուտով իրեն կսպառի՝ ցանկացած դեպքում Իրանին ուղիղ ճանապարհ բացելով դեպի բեկում միջուկային բնագավառում: Իրանը պետք է հրաժարվի իր միջուկային հավակնություններից և դադարեցնի իր աջակցությունը ահաբեկչությանը»,- ասել է Թրամփը:
Նա կոչ է արել նաև մյուս դաշնակիցներին դուրս գալ այդ համաձայնագրից և հասնել Իրանի հետ նոր համաձայնագրի:
«Մենք պետք է բոլորս միասին աշխատենք Իրանի հետ հասնելու այնպիսի համաձայնագրի, որը աշխարհը կդարձնի առավել ապահով և ավելի խաղաղ»,- ավելացրել է Թրամփը:
Նյութի աղբյուր՝ shantnews.am