Ես գալու եմ, թակելու եմ ձեզանից յուրաքանչյուրի դուռը, դուրս անեք տնից` պատուհանով եմ ներս մտնելու և յուրաքանչյուրիդ համար անհոգնել ընթերցելու եմ «1+1» իմ ուղերձը, մինչև ձեզնից յուրաքանչյուրը` տանը նստած, ինքն իրենից և ուրիշներից վախեցած ամեն ոք հասկանա, որ ինքը ավելին է, քան անպաշտպան հպատակ:
Ինքը քաղաքացի է, Հայաստանի Հանրապետության քաղաքացի, որը պատասխանատվություն ունի պատմության ու ապագայի առջև, նախնիների և սերունդների առջև:
Քայլելու եմ, աղաղակելու եմ, բարձրաձայնելու եմ այնքան ժամանակ, մինչև անխոնջ բազմության յուրաքանչյուր անդամ գա հրապարակ և բարձրաձայն խոստովանի. Հայաստանի ապագան կախված է մեկ մարդուց, և այդ մեկ մարդը ես եմ:
