Քոչարյանի մի խումբ աջակիցների երեկվա ցույցը ծաղր էր հենց Քոչարյանի հանդեպ: Եվ տարօրինակ, շատ տարօրինակ է, որ դա չեն գիտակցել նրա հարազատները, պաշտպանները: Ու խնդիրն ամենեւին էլ ցույցի սակավամարդությունը չէր: Խնդիրը հատկապես աչքի ընկած մի քանի հոգու պահվածքն ու ելույթներն էին:
Նման որակի աջակցության ցույցի արժանի չէ անգամ Ռոբերտ Քոչարյանը: Եւ էլի տարօրինակ է, որ նրա հարազատները չեն հասկանում, որ այսպիսով նրան, ում ցանկացել են իբր սատարել, դարձրել են ծաղրի առարկա: Ընդ որում՝ հենց իրենք:
Այս քայլով իրենք ասում են՝ տեսեք, ահա թե ում հույսին է մնացել Քոչարյանն այսօր: Այսօր նա այլ աջակիցներ չունի:
Հասկանալի է, որ դժվար է Հայաստանում այսօր նորմալ մարդկանց խումբ գտնել, որոնք առանց ամաչելու «ազատություն Ռոբերտ Քոչարյանին» պաստառներով դուրս կգան փողոց՝ բողոքի ակցիա անելու: Այն էլ՝ հայատառ: Ի դեպ, սա էլ չափազանց ուշագրավ է: Ռոբերտ Քոչարյանի համար մինչ այսօր երեք ակցիա է իրականացվել, եւ բոլոր դեպքերում պաստառները հիմնականում կամ անգլերեն են եղել, կամ՝ անհասկանալի այնպիսի ձեւակերպումներով, որ կողքից նայողը չհասկանար, թե ինչ են պահանջում պաստառ պարզած մարդիկ:
Բայց եթե այդ մի խումբ նորմալ մարդիկ չկան, կամ՝ այդպիսի մարդիկ ամաչում են մարդամեջ դուրս գալ եւ ցույց անել՝ սատարելով Ռոբերտ Քոչարյանին, ապա ավելի լավ է ընդհանրապես ակցիաներ չանել, քան անել այս որակի:
Քոչարյանը ազգի հերոսա՜ …
Posted by Teststart on Wednesday, December 12, 2018
