5-ամյա Լիլիթ Սաֆարյանը ոսկրերի հետ կապված խնդրով պետք է 2 վիրահատության ենթարկվի, սակայն անհրաժեշտ փողը չի հավաքվում: NEWS.am-ի հետ զրույցում փոքրիկ Լիլիթի պատմությունը ներկայացրեց նրա մայրիկը:
«Ծնվելուց հետո 3-րդ օրը բալիկիս ջերմաստիճանը բարձրացավ, սկսվեցին ստամոքսային խանգարումներ, 10 օր պահել են մեզ ծննդատանը, առանց որեւէ ախտորոշման, ինչից հետո, կարելի է ասել, կռիվ անելով տեղափոխեցինք երեխային Մուրացանի մանկակական հիվանդանոց, որտեղ բալիկիս միանգամից արյան վարակ ախտորոշեցին: Այն արդեն հասել էր երեխայի ոսկրերին` 4 օջախով: Այնտեղ պառկել է վերակենդանացման բաժանմունքում, արյան փոխներարկումներ են արել, իմունիտետը բարձրացնող թանկարժեք դեղեր ներարկել: Շատ բարձր դեղաչափով հակաբիոտիկներ են տվել, ինչին բալիկս դիմացել է: 2 ամսականում դուրս ենք գրվել արդեն լավ վիճակում, հիվանդությունն արդեն նահանջում էր:
Առաջին վիրահատությունը 6.5 ժամ է տեւել, դրանից հետո էլ հոկտեմբերին կրկին վիրահատվել է: Փորձել են կոնքի գլխիկը ֆիքսել, որպեսզի դուրս չգար, դե հոդի կարճությունը մնալու էր, բայց մի բան էլ ոտքը կարճացել է: Դրանից հետո էլ ծնկի վրա միջամտություն չարեցին»,- պատմեց Սոնա Ղազարյանը:
Սոնան պատմեց, որ դրանից հետո երեխային տարել է Գերմանիա կոնսուլտացիայի, եւ իրենց ասել են, որ երկու վիրահատություն պետք է արվի. «Առաջինը կոնքի հոդագլխիկը պետք է վիրահատվի, եւ վիրահատությունը փետրվարի 4-ին է նշանակված, որից հետո 12 օր մնալու ենք հիվանդանոցում, գալու ենք Հայաստան եւ 8 շաբաթ հետո նորից ենք գնալու եւ ծունկն են վիրահատելու, 15 օր մնալու ենք եւ վերադառնանք: Մեզ բոլոր վիրահատությունների համար 20 հազար եվրո է անհրաժեշտ, որից 5000-ը մենք ունենք»:
Լիլիթի մայրիկը բոլորի օգնությունն է խնդրում` երեխայի վիրահատությունը կազմակերպելու համար:
Ընտանիքի հետ կարող եք կապվել հետեւյալ հեռախոսահամարով` 093 278334:
- AMD 11814012131000
- EUR 11814012131002
- USD 11817066874302
- RUR 11817066874301
- VISA card 4318290090150158
