ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում հավանության են արժանացել քննարկման դրված օրենքի նախագծերը, որոնցից մեկը վերաբերում էր «Կրթության մասին և հարակից օրենքներում փոփոխություններ կատարելուն»:
Մինչ քվեարկությունը, դիմելով ՀՀ ԿԳՍՄ նախարար Արայիկ Հարությունյանին, հանձնաժողովի նախագահ Մխիթար Հայրապետյանն ասաց.
«Տպավորություն է, որ Ձեր մտահոգությունն ամբողջությամբ չեք ներկայացնում: Խոսքն այն մասին է, որ օրենքում առկա արգելանքը հանում ենք, իսկ եթե, օրինակ` 500 բուժաշխատողի կարիք չկա, դուք եք որոշողը: Բայց նեղանում եք, ասում եք՝ գլխացավանք եք ստեղծում: Բա կառավարության գործի բնույթն էլ դա է: Պետք է գլխացավանք լինի, լուծվի, գնա»:
Հայրապետյանն առաջարկեց գերատեսչության ղեկավարին «կիսվել», եթե կարծում է, որ ավագ դպրոցների հետ մրցակցություն է ստեղծվելու կամ որևէ այլ հարց կա: