ՀՀ տարածքային կառավարման և ենթակառուցվածքների նախարար Սուրեն Պապիկյանը, լրագրողների հետ հանդիպմանը խոսելով պարգևավճարների մասին, հարցին՝ ովքե՞ր և ի՞նչ չափով են պարգևավճարներ ստացել, պատասխանեց.
«Ունեինք կառավարության կողմից սահմանված որոշակի չափաքանակ՝ մեզ տրամադրվող ծախսերի 30 տոկոսի չափով, որ պետք է բաշխվեր մեր աշխատակիցների վրա նրանց մոտիվացիան բարձրացնելու համար:
Բայց ունեցել ենք նախարարությունների միավորումներ, աշխատողների թվաքանակի պակաս, միջոցների ավելացում, որի արդյունքում այդ միջոցները բաշխել ենք ըստ աշխատանքի արդյունավետության: Մեր նախարարությունն արդեն իսկ տրամադրել է այսպես կոչված՝ «13-րդ աշխատավարձ», այլ նորություններ չունեմ»։
Հարցին՝ որքա՞ն պարգևավճար է ստացել ինքը, Պապիկյանը պատասխանեց.
«Դա այն չափն է, որ ստանում են բոլոր նախարարները՝ 1,5 մլն դրամ»:
Նյութի աղբյուր՝ shantnews.am
