Հայաստանի պատմության մեջ տարբեր ժամանակահատվածներ են եղել։Թեպետ պատմության չափանիշներով կարճատև էր՝ 3-4 տարի, սակայն թողեց այնպիսի խորը հետք, որ հայերի միանգամից մի քանի սերնդի կյանքը բաժանվեց «մինչևի» ու «հետոյի»:
1992-1995 թթ. տարբեր կերպ ենք անվանում՝ «սոված», «ցուրտ», «վատ»:
Արտասանեք «մութ տարիներ» կապակցությունը ցանկացած հայի մոտ ու կտեսնեք թե ինչպես մի պահ կանհետանա նրա ժպիտն ու դեմքով կանցնի մռայլ շողք.և դրա համար նա ունի պատճառ: Այդ ժամանակ թվում էր թե կյանքն առհավետ է հրաժեշտ տալիս … Երբ 1991-ի ամռանը Հայաստանում կտրվեց բնական գազի հոսքը, քչերն էին կարծում, որ կենցաղային այս խնդիրը ազգի գլխին գալիք դաժանագույն ցնցումներից լոկ առաջինն էր:
