Խորհրդարանում բյուջեի քննարկման ընթացքում ԼՀԿ պատգամավոր Անի Սամսոնյանը ասաց, որ 4 առաջարկ է ներկայացրել, բոլորը մերժվել են։ Պատգամավորը ԱԺ ամբիոնի մոտ կանգնած ֆինանսների նախարար Ատոմ Ջանջուղազյանից պահանջեց «կանգնել ու ուղիղ պատասխանել», թե որն է պատճառը։
«Ես այլընտրանք չունեմ էլ, ճիշտն ասած, կանգնած եմ, և ուղիղ էլ պիտի ասեմ»,- կատակեց Ատոմ Ջանջուղազյանը, ինչից հետո ծիծաղ լսվեց դահլիճից։
Ապա ասաց, որ այդ առաջարկությունները պետք է դիտարկել այլ առաջարկությունների համատեքստում, քանի որ եթե առանձին վերցնեն, ապա այդ առաջարկներն անընդունելի չեն։