Ղազախական Կըզըլօրդա քաղաքում ավտոբուսը վրաերթի է ենթարկել 30–ամյա մի տղամարդու և նրա 4-ամյա որդում, այս մասին տեղեկացնում է sputniknews.kz կայքը: Պատահարը տեղի է ունեցել հոկտեմբերի 17-ին՝ տեղի ժամանակով 12:30-ին:
«Ստացած վնասվածքներից հայրը մահացել է, 4-ամյա երեխան տեղափոխվել է մանկական հիվանդանոցի վերակենդանացման բաժանմունք: Վարորդի ինքնությունը պարզվել է տեղում, նշանակված է քննություն»,- ասվում է ոստիկանության հաղորդագրությունում:
Տեսանյութում երևում է, որ երեխան անսպասելիորեն վազում է փողոց, տղամարդն էլ նետվում է նրա հետևից և իր մարմնով ծածկում երեխային ավտոբուսի հարվածից:
Պատահարի առիթով հետաքննությունը շարունակվում է: