«Քաղաքը որևէ գույք ընդունելուց առաջ, պետք է քաղաքացուն տեղեկացնի, թե ումից և ինչի դիմաց է ստանում դրանք»,- այս մասին «Հարցազրույց» հաղորդման եթերում ասել է Երևանի ավագանու «Լույս» խմբակցության անդամ Անի Խաչատրյանը։
«Կարելի է կասկածել, այնպե՞ս չէ, որ միգուցե «Մարտի մեկի» գործը փակելու համար Քոչարյանից եք ընդունել «Կամազները»։ Հրապարակե՛ք, թող քաղաքացին որոշի՝ արդյոք ուզո՞ւմ է այդ մարդուց ընդունել նվերը, թե ոչ»,- ասել է նա։
Նույն խմբակցության մյուս անդամ Թեհմինա Վարդանյանի համար էլ տարակուսելի է, որ քաղաքապետ Հայկ Մարությանը չի մտաբերում, թե ովքեր են նվիրատվություն կատարած անձինք։
Նյութի աղբյուր՝ 24news.am