Նոյեմբերի 26-ին Դիլիջանի ուսումնական կենտրոնի տարածքում ծառից կախված հայտնաբերված ժամկետային զինծառայողը Տաթեւ համայնքի Տանձատափ բնակավայրի վարչական ղեկավարի որդին էր: Այս մասին հայտնեցին համայնքապետարանից:
19-ամյա Վահան Մուշեղյանը տան կրտսերն էր, մեկ քույր եւ եղբայր ունի:
Հիշեցնենք, որ զինծառայողի մարմինը հայտնաբերվել էր ժամը 9:00-ի սահմանում`պարանով ծառից կախված վիճակում:
Դեպքի առթիվ ՀՀ ՔԿ զինվորական քննչական գլխավոր վարչության վեցերորդ կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ, կատարվում է նախաքննություն:
