Թաիլանդում ամուսինը փախել է կնոջից՝ շահող վիճակախաղի տոմսն իր հետ վերցնելով, որպեսզի գումարը չկիսի նրա հետ, գրում է Asia One- ը:
Պորնտինդա Չամնանվետը և նրա ամուսինը՝ Վիժակ Վաննապրասիտը ջեքփոթ են շահել: Զույգը վիճակախաղի տոմս է գնել, որը նրանց բերել է 270 հազար դոլարի շահում:
Ամուսինները համաձայնել են շահումը հավասար կիսել:
Այնուամենայնիվ, հաջորդ օրը զույգը վիճաբանել է այն բանի համար, որ Վաննապրասիտը իր երկրորդ կեսին ասել է, որ նա պետք է ավելի քիչ գումար ստանա: Արդյունքում, նյարդերը տեղի են տվել, և տղամարդը հարվածելով դռանը գնացել է անհայտ ուղղությամբ՝ չմոռանալով իր հետ վերցնել հաջողակ տոմսը:
Պորնտիդա Չամնանվետն անմիջապես դիմել է իրավապահներին՝ խնդրելով թույլ չտալ, որ ամուսինը կանխիկացնի շահած գումարը:
Բացի այդ, կնոջ փաստաբանը խոսել է՝ ասելով, որ տղամարդը կարող է դատապարտվել մինչև երեք տարվա ազատազրկման՝ տոմսն ապօրինի յուրացնելու համար:
Արդյունքում, Վիժակ Վաննապրասիտը մտափոխվել է և վերադարձել կնոջ մոտ: Նրանք պատրաստվում են կանխիկացնել շահումը և գումարը հավասարապես բաժանել, ինչպես համաձայնեցված է:
Նյութի աղբյուր՝ shantnews.am
